ລາວຍົກລະດັບຄວາມສາມາດໃຫ້ເຈົ້າໜ້າທີ່ພາສີໃນການຈັດຕັ້ງປະຕິບັດໂຄງການຜູ້ປະກອບການທຸລະກິດທີ່ຜ່ານການຮັບຮອງ
(ຂປລ) ໃນວັນທີ 26 ສິງຫານີ້ ກົມພາສີ, ກະຊວງການເງິນ ຮ່ວມກັບອົງການພາສີໂລກ (WCO) ຈັດຕັ້ງຊຸດຝຶກອົບຮົມກ່ຽວກັບການນຳໃຊ້ມາດຕະຖານຜູ້ປະກອບການທຸລະກິດທີ່ຜ່ານການຮັບຮອງ (AEO) ເພື່ອພັດທະນາຄວາມສາມາດຂອງໜ່ວຍງານຄຸ້ມຄອງພາສີຂອງ ສປປ ລາວ ໃຫ້ສາມາດກວດສອບ, ກວດກາ ແລະ ອະນຸມັດການຂໍອະນຸມັດສະຖານະ AEO ຈາກຂະແໜງເອກະຊົນໄດ້ຢ່າງມີປະສິດທະພາບ.
ຄວາມຮູ້ ແລະ ຄວາມເຂົ້າໃຈທີ່ຖືກຕ້ອງກ່ຽວກັບການຈັດຕັ້ງປະຕິບັດໂຄງການ AEO ຈະຊ່ວຍໃນການປັບປຸງສະພາບແວດລ້ອມດ້ານການຄ້າໃນ ສປປ ລາວ ໃຫ້ດຳເນີນໄປຢ່າງເໝາະສົມ ແລະ ກົມກຽວ.
ໂຕະຂ່າວ ຂປລ
http://kpl.gov.la/En/Detail.aspx?id=47745
